Першы этап XXXIII Міжнароднага конкурсу выканаўцаў эстраднай песні пройдзе на "Славянскім базары"

13 ліпеня "Славянскі базар" распяецца тэмбрам маладых выканаўцаў з 15 краін свету. Дэбютуе Паўднёва-Афрыканская Рэспубліка.

На сцэне Летняга амфітэатра - першы этап XXXIII Міжнароднага конкурсу выканаўцаў эстраднай песні "Віцебск-2024". Напярэдадні адбылася жараб'ёўка. 25-гадовы прадстаўнік Беларусі Валерый Чучман праспявае 11-м. І ўсе ноты будуць сёння "жывымі": удзельнікам трэба будзе выканаць славянскія хіты пад суправаджэнне Прэзідэнцкага аркестра. Ад выхадца Нясвіжа - балада аб Купале.

Адкрые конкурсны дзень Узбекістан (ужо краіна-трыумфатар дзіцячага конкурсу ў рамках 33-га базара). Фінальныя акорды - за Латвіяй. Экспертная група на чале са спявачкай Розай Рымбаевай пачуе славянскія песні ў выкананні Іспаніі, Італіі, Чэхіі.

За галасаванне ад Расіі будзе адказваць спявачка Зара. У журы і спявак з Даніі Томас Невергрын. Беларусь прадстаўляе галоўны дырыжор і мастацкі кіраўнік Прэзідэнцкага аркестра Віталь Кульбакоў. Прамую трансляцыю конкурсу будзе весці тэлеканал "Беларусь 1" у 19:00. Нагадаем, год назад галоўны прыз прэстыжнага конкурсу з'ехаў у Арменію.