Папаўненне ў Мінскім заапарку: белыя совы і вінтарогія козы сталі шматдзетнымі бацькамі

У Мінскім заапарку адбылося папаўненне. Малыя нарадзіліся адразу ў трох сем'ях. Аўстралійскія макакі Ючы і Калінка сталі бацькамі ўпершыню. Малы толькі вучыцца самастойнасці і асвойвае навыкі ўзбірацца на сцены, а вось белыя совы і вінтарогія козы сёлета сталі шматдзетнымі. Савяняты пакуль маленькія, але гуллівыя, любяць пазіраваць на камеру. А гарэзы-казляняты ўжо навучыліся скакаць па ўзгорках.

Самым нечаканым для супрацоўнікаў заапарка стаў прыезд тыграняці. Драпежніка знайшлі ля дарогі ў Амурскім раёне Хабараўскага краю. У свае восем месяцаў ён перанёс аперацыю на лапках і доўгую рэабілітацыю. Зараз у далёкаўсходняга госця перыяд адаптацыі - да людзей ён амаль не выходзіць, а вось у начны час, наадварот, смела гуляе ў вальеры.

Трапічнае лета па-рознаму ўспрымаюць насельнікі Мінскага заапарка. Зараз рацыён кожны дзень у іх напоўнены сакавітай садавіной, а ў кожным вальеры ўсталявана ванна. Таксама штодзень насельнікам ладзяць халаднаваты душ.