У Беларусі працягваюць ліквідаваць наступствы цыклона "Ларс"

У Беларусі працягваюць ліквідаваць наступствы цыклона "Ларс", які і сёння праходзіць па тэрыторыі краіны і рухаецца на ўсход. Як паведамілі ў Белэнерга, да другой паловы дня адноўлена электразабеспячэнне больш як 2 300 населеных пунктаў. Камунальныя службы працуюць ва ўзмоцненым рэжыме. Толькі ў сталіцы на вуліцах 650 адзінак тэхнікі і больш як 700 прыбіральнікаў тэрыторый. Ліквідуюць наступствы непагадзі і энергетыкі разам з ратавальнікамі.