Прэм'ер-міністр Беларусі: Наша задача - не дапусціць перагляду вынікаў Вялікай Айчыннай вайны

Словамі падзякі, вернасці і доўгу напоўненыя гэтымі днямі ўрачыстыя мерапрыемствы, прысвечаныя Вялікай Перамозе. Ні адзін герой той воны, ні адно месца бітваў і смутку не забыта нашым пакаленнем.

"Перамога ў Вялікай Айчыннай вайне - нацыянальны набытак Беларусі, крыніца жыццёвай сілы нашага народа, яго патрыятызму і самаахвярнасці". Пра гэта заявіў сёння прэм'ер-міністр Раман Галоўчанка на ўрачыстым сходзе і канцэрце майстроў мастацтваў "Парк Перамогі". Тэлеканал "Беларусь 1" пакажа яго ў вячэрнім эфіры. У зале сабраліся ветэраны Вялікай Айчыннай вайны, а таксама прадстаўнікі дзяржорганаў і працоўных калектываў. Тыя, хто сёння ахоўвае мірнае жыццё ў Беларусі, працуе на карысць яе развіцця.

Сёння Беларусь развіваецца ў няпростых сацыяльна-эканамічных умовах, звязаных з санкцыйным націскам. Але дзякуючы працавітасці народа, яго веры ва ўласныя сілы, уменню не адступаць перад цяжкасцямі наша краіна зноў выйдзе пераможцам і ўмацуецца. Сёння Дзень Перамогі ўжо не проста ўрачыстая і памятная дата. Гэта новая гістарычная мяжа абароны незалежнасці Беларусі.

Для нас Перамога ў Вялікай Айчыннай вайне - гэта смутак і нацыянальны, і воінскі гонар. На акупіраванай тэрыторыі нацысты стварылі больш за 260 лагераў смерці, акупанты правялі звыш 140 буйных карных аперацый. Больш за мільён 300 тысяч беларусаў самааддана ваявалі ў радах Чырвонай арміі. За мужнасць і гераізм высокага звання Героя Савецкага Саюза ўдастоеныя 449 нашых суайчыннікаў, а чацвярым героям гэтае высокае званне было прысвоена двойчы.