Прэзідэнт праводзіць сустрэчу са студэнтамі БДУ

Пра суверэнітэт, замежнае ўмяшанне, палітызацыю

грамадскага жыцця і ўдзел у ім студэнтаў, змяненні ў галоўны закон і нават здагадкі аб "таемнай" інаўгурацыі. Прэзідэнт у гэтыя хвіліны адказвае на пытанні студэнтаў Белдзяржуніверсітэта.

Аляксандра Лукашэнку тут чакалі. Гэта магчымасць шчырай размовы з кіраўніком дзяржавы. Прэзідэнт прызнаўся: запрашэнне прыняў з радасцю. Прыехаў, як толькі дазволіў рабочы графік. Моладзь – самая прагрэсіўная частка грамадства, упэўнены Аляксандр Лукашэнка. У яе руках будучыня. Таму аб развіцці краіны важна гаварыць менавіта з маладым пакаленнем. Размова актуальная яшчэ і на фоне павышанай увагі моладзі да палітычных працэсаў. Прэзідэнт заклікаў задумацца студэнтаў, хто і дзе падаграваў беларускіх грамадзян апошнім часам. І чаму моладзь дазваляе сябе падаграваць? Аляксандр Лукашэнка ўпэўнены: ёсць нямала тых, каму выгадна раз'яднаць нацыю і аслабіць краіну. Але задумваюцца аб гэтым далёка не ўсе. Прэзідэнт адзначыў, што будзе абараняць Беларусь ад любых нападак звонку, чаго б гэта ні было вартае.

Пагутарыць з прэзідэнтам сёння, дарэчы, могуць не толькі студэнты БДУ. На сувязі ўсе рэгіёны рэспублікі. Прамая відэатрансляцыя арганізавана ў аўдыторыях універсітэтаў у абласных цэнтрах. Усе падрабязнасці ў нашых наступных выпусках.