Прэзідэнт сустрэўся з навуковай элітай краіны

Краіне патрэбныя новыя прарыўныя, эфектыўныя і інавацыйныя тэхналогіі. Гэта выдатны шанц заявіць аб сабе тым, хто сапраўды заклапочаны лёсам Беларусі.

Прэзідэнт сустрэўся з навуковай элітай краіны. З першых вуснаў пачуць, чым жыве беларуская навука, даведацца аб наватарскіх выніках даследаванняў, абмеркаваць праблемы і новыя канцэптуальныя задачы. Такая размова - гэта ўжо традыцыя. Аляксандр Лукашэнка адзначыў: навука - найважнейшы фактар умацавання нашай незалежнасці. Падтрымліваць беларускія дасягненні будзем і надалей. Асаблівую ўвагу трэба надаць пераемнасці пакаленняў і павышэнню статусу педагога, у тым ліку ў навуковай сферы.

З рук прэзідэнта дыпломы доктара навук сёння атрымалі 9 чалавек. Чацвярым кіраўнік дзяржавы ўручыў атэстаты прафесара, яшчэ чацвёра сталі навуковымі кансультантамі. Іх адкрыцці - гэта не праект на паперы, гэта тэхналогіі і методыкі, якія рэальна працуюць.

Усяго летась навуковыя ступені атрымалі тры з паловай сотні чалавек. Навуковую эліту краіны папоўнілі 40 дактароў навук і 307 кандыдатаў. Дарэчы, цікавасць да нашай навуковай школы праяўляюць і іншаземцы: уладальнікамі ступеняў сталі 34 сушукальнікі з 9 дзяржаў.