Прычына надзвычайных сітуацый на вадзе - бестурботнасць і няўважлівасць адпачывальнікаў - Асвод кантралюе сітуацыю ў акваторыях Мінскай вобласці

Сачыць за бяспекай аматараў далёкіх заплываў - нават у пераменлівае дажджлівае надвор'е. Асвод кантралюе сітуацыю на вадзе. Акваторыі патрулююць у рэжыме 24 на 7. Увага цяпер правільнаму выкарыстанню спартыўнага інвентару - сап-бордаў і вейкбордаў. У ветранае надвор'е дошкамі цяжка кіраваць. Таму карыстацца імі рэкамендуюць толькі ў штыль. Пры гэтым наяўнасць выратавальнай камізэлькі - абавязковая ўмова для бяспечных экстрым-заездаў. Менавіта яна найперш дапаможа захаваць жыццё ў экстраннай сітуацыі.

Асвод нагадвае - галоўная прычына надзвычайных сітуацый на вадзе - бестурботнасць і няўважлівасць адпачывальнікаў. З пачатку купальнага сезона ў нашай краіне ўжо ўдалося выратаваць 20 чалавек. Сярод іх 7 непаўналетніх.