Прыйшоў час цудаў і здзяйснення жаданняў

У краіне дадзены старт рэспубліканскай акцыі "Нашы дзеці". Да дабрачыннага марафона далучыліся і ў сталіцы. У мармуровай зале Палаца дзяцей і моладзі напярэдадні сабраліся выхаванцы дамоў-інтэрнатаў, шматдзетныя сем'і, а таксама пераможцы творчых конкурсаў, алімпіяд і фестываляў.

Свята адбылося і ў Бараўлянскай сярэдняй школе № 2. Сюды запрасілі пераможцаў этапаў абласнога конкурсу "Вучань года Мінскай вобласці - 2020" і выхаванцаў дзіцячай вёскі "Вытокі".

Для дзяцей падрыхтавалі тэатральныя прадстаўленні, квэсты і майстар-класы. Кожнаму Дзед Мароз і Снягурка ўручылі салодкія падарункі. Марафон цудаў прадоўжыцца да 10 студзеня.