Сенатары, члены Прэзідыума і дэпутаты ўсклалі кветкі да помніка воінам і партызанам, якія вызвалялі ад нямецка-фашысцкіх захопнікаў Баранавічы

Цырымонія ўскладання кветак да помніка воінам і партызанам, што вызвалялі ад нямецка-фашысцкіх захопнікаў горад, прайшла сёння ў Баранавічах.

Сенатары, члены Прэзідыума і дэпутаты - удзельнікі рэспубліканскай акцыі "Беларусь памятае. Памятаем кожнага" - ушанавалі памяць тых, хто гераічна змагаўся, хвілінай маўчання. Бітва за Баранавічы стала адной з яркіх падзей у аперацыі "Баграціён". За мужнасць 6 воінаў удастоіліся звання Героя Савецкага Саюза.

Вечны агонь ля помніка ў Баранавічах гарыць з 1964-га. Але памяць ушанавана не толькі ў камені, яна жыве ў сэрцы кожнага беларуса.