Колькі беларусаў возьмуць удзел у рэспубліканскім суботніку і на што пералічаць сродкі

У рэспубліканскім суботніку 22 красавіка возьмуць удзел каля 3 мільёнаў беларусаў. Сёння арганізацыйныя пытанні яго правядзення абмеркавалі ў Саўміне на пасяджэнні рабочай групы ў рэжыме відэаканферэнцыі. Традыцыйна плануецца навесці парадак на тэрыторыі гісторыка-культурных каштоўнасцяў, мемарыяльных комплексаў, месцаў баявой і воінскай славы часоў Вялікай Айчыннай вайны. Асаблівая ўвага мерам бяспекі, а таксама арганізацыі работытранспарту.

Сёлета плануецца сабраць больш чым 12 мільёнаў рублёў. Палову сродкаў накіруюць на рэканструкцыю мемарыяльнага комплексу вязням Азарыцкага лагера смерці. Астатнія пералічаць на стварэнне Рэспубліканскага цэнтра патрыятычнага выхавання моладзі на базе Кобрынскага ўмацавання Брэсцкай крэпасці.