Словы падзякі і прызнання тым, хто дорыць пяшчоту і любоў. Распачаўся тыдзень віншаванняў да Дня маці

Тыдзень бацькоўскай любові ўпершыню ў Мінску і сталічным рэгіёне. Час асаблівай пяшчоты выбраны невыпадкова. Гэта сем дзён ад Дня маці (які па традыцыі святкуем 14 кастрычніка) да Дня бацькі.

Так, сёлета ў святочным календары на адну ўрачыстую падзею стала больш. 21 кастрычніка афіцыйна будзем віншаваць усіх мужчын, якія маюць дзяцей. Фотачэленджы, флэшмобы, выставы і святочныя канцэрты. Толькі ў Вілейскім раёне запланавана больш за 70 святочных мерапрыемстваў.

Распачалі тыдзень сямейнай любові з віншавання жанчын, якія сёлета сталі шматдзетнымі. Святочныя паштоўкі разляцеліся больш чым да паўсотні матуль.

Па традыцыі ў Дзень маці жанчын, якія нарадзілі і годна выхоўваюць як мінімум пяцярых дзяцей, будуць ушаноўваць ордэнамі. Акрамя гэтага, у святочны дзень выберуць сям'ю года.