Слуцк урачыста ўступіў у правы культурнай сталіцы Беларусі

Старадаўні і вечна малады Слуцк урачыста ўступіў у правы культурнай сталіцы. Сёння райцэнтру афіцыйна прысвоілі ганаровы статус і перадалі сертыфікат. Урачыстае мерапрыемства ператварылася ў свята мастацтваў. Падчас канцэртапазнаёмілі злепшыміпрафесійнымімастацкімікалектываміі аматарскіміаб'яднаннямі, якія праслаўляюць гісторыю краю, яго рамёствы і народныя таленты. На галоўнай пляцоўцы свята - у гарадскім Доме культуры - прайшлі выставы, майстар-класы, арыгінальныя дэгустацыі і фальклорныя забавы. Цырымонія адкрыцця пачалася з памятнага гашэння паштовага канверта з арыгінальнай маркай "Слуцк - культурная сталіца Беларусі".

Слуцк пераняў статус культурнай сталіцы падчас кульмінацыі народнага свята Масленіцы. Гулянні разгарнуліся ў цэнтры горада. Жыхарам і гасцям прапанавалі кірмаш народных промыслаў, фотазоны, інтэрактыўныя лакацыі, пачастункі блінамі і іншымі стравамі народнай кухні. На адкрытых пляцоўках выступілі музычныя калектывы.