"Служба бязмежжа Украіны", або Як затрымалі агента СБУ Мікалая Швеца з пазыўным Гаспар

На тыдні сталі вядомыя падрабязнасці інцыдэнту з самалётам А-50 на аэрадроме пад Мачулішчамі. Маштабная аперацыя па злаўленні агента СБУ, праведзеная Камітэтам дзяржбяспекі, МУС і Пагранкамітэтам Беларусі, была падобная на сапраўдны галівудскі сцэнарый і паказала, як нашы сілавікі філігранна перайгралі СБУ. А менавіта гэтая структура адказная за спробу тэракта, як бы зараз не спрабавала схаваць свой удзел, выкарыстоўваючы ўцёклых беларускіх радыкалаў у якасці шырмы.

І літаральна напярэдадні ўзнагароджвання Аляксандрам Лукашэнкам нашых праваахоўнікаў за злаўленне агента і выкрыццё цэлай сеткі памагатых у Кіеве паляцелі галовы высокапастаўленых асоб СБУ. Украінская ўлада маўчыць і не каментуе гэтыя адстаўкі, а АТН раскажа.

Самалёт знішчыць не ўдалося, хаця вельмі спрабавалі пераканаць у зваротным. Кадры яго палёту бачылі. Выканаўца спробы тэракту не эвакуіравалі - ён схоплены. І гэта спачатку адмаўлялася. Разам з падрыўніком пагарэла вялізная агентурная сетка. СБУ разам са спецслужбамі Польшчы і іх кішэннымі арганізацыямі селі ў глыбокую лужыну.

А структуры накшталт BYPOL нахлусілі столькі, што любы разважны чалавек пасля такой локшыны наўрад ці будзе прыслухоўвацца да фантазій экстрэмістаў і ўцёклых клоўнаў. Зразумела, сярод іншага гэта сур'ёзны правал і жахлівы ўдар па іміджы, не гаворачы пра самалюбства заходніх спецслужб. Пашыраную версію расследавання "СБУ - Служба бязмежжа Украіны" глядзіце на YouTube-канале АТН.