Службе ўчастковых інспектараў - 97 гадоў

Дапамагчы справай альбо словам, падказаць і зберагчы ад непапраўнай памылкі. Універсальныя салдаты, гатовыя прыйсці на дапамогу ў любы час дня і ночы. Сёння службе ўчастковых інспектараў - 97 гадоў.

Праца ўчастковых патрабуе пастаяннай самааддачы і адказнасці за прынятыя рашэнні, бо менавіта да іх у першую чаргу прыходзяць людзі па дапамогу. Сямейны канфлікт, сварка з суседам, а часта і проста жыццёвыя цяжкасці, калі патрэбна парада... І ў гэтым выпадку многія падапечныя тэлефануюць інспектару.

Нягледзячы на прафесійнае свята, многія афіцэры і сёння на працы. Бо служыць народу і падтрымліваць бяспеку краіны - іх галоўная задача.