Снегіры актывізаваліся ў марознае надвор'е

Небывалую колькасць снегіроў ля кармушак фіксуюць арнітолагі і жыхары гарадоў і вёсак. Такі "птушыны бум" спецыялісты тлумачаць анамальна халодным надвор'ем і моцнымі снегападамі. Нетыповы для апошніх гадоў люты і прымусіў снегіроў вярнуцца ў сталіцу і ў іншыя населеныя пункты ў пошуках ежы. Птушак з яркім апярэннем ахвотна ловяць у аб'ектывы фотакамер жыхары Мінска і вобласці. Увогуле ж, снегіры не рэдкасць для нашай краіны. Улетку яны гняздуюцца ў яловых лясах, дзе іх цяжка заўважыць. А вось узімку яны больш прыкметныя і актыўныя.

Зімой снегіры маюць патрэбу ў дадатковай падкормцы. У якасці пачастункаў зерне і семкі. Школьнікі Мінска і вобласці, а таксама выхаванцы цэнтра экалагічнага выхавання на працягу зімы сочаць за сваімі кармушкамі, каб там заўсёды была ежа для розных птушак.