Снегаплавільная станцыя ў Мінску працуе круглыя суткі

У Мінску працягваецца ачыстка двароў і вуліц ад снегу. Пасля збору з усіх куткоў горада снежную масу накіроўваюць на перапрацоўку, змешваюць з каналізацыйнай вадой і адпраўляюць на ачыстку. Снегаплавільная станцыя працуе зараз кругласутачна. За суткі міні-завод здольны растапіць каля 5 тысяч кубічных метраў снегу. А гэта больш за 300 грузавікоў.

Да канца тыдня сіноптыкі абяцаюць адлігу. Але актыўных ападкаў не пазбегнуць, таму дарожныя службы застаюцца напагатове. У сталіцы за дзень выязджаюць на ачыстку дарог больш за сем соцень адзінак спецтэхнікі.