Супрацоўнікі Ваеннай акадэміі правялі экскурсію для прадстаўнікоў СМІ, у тым ліку замежных

Тэорыя і тактыка, заняткі на палігоне і рэальная баявая праца будучых афіцэраў. Супрацоўнікі Ваеннай акадэміі правялі экскурсію для прадстаўнікоў СМІ, у тым ліку замежных. Пасля наведвання самой акадэміі журналістам далі магчымасць пабываць на палігоне Белая Лужа.

За працай курсантаў назіралі і журналісты "Франс Прэс". Адказваючы на пытанні, у тым ліку французскіх журналістаў, намеснік начальніка Ваеннай акадэміі распавёў пра новыя падыходы ў падрыхтоўцы будучых афіцэраў.

На гэтым тыдні для рэпарцёраў з больш як дзесяці краін (гэта ЗША, Брытанія, дзяржавы Еўропы, Афрыкі і Азіі) быў арганізаваны прэс-тур. Журналісты пабывалі ў ваеннай часці ССА, а таксама на мяжы з Украінай. Прадстаўнікі замежных агенцтваў змаглі сустрэцца з Прэзідэнтам Беларусі.