Савет Бяспекі Беларусі і Міністэрства грамадскай бяспекі В'етнама падпісалі мемарандум аб супрацоўніцтве

Толькі сумеснымі перамовамі магчыма вырашыць праблемныя пытанні ў рамках АДКБ. Аб гэтым сёння заявіў дзяржсакратар Савета Бяспекі Беларусі падчас сустрэчы з в'етнамскімі калегамі. Адказваючы на пытанні журналістаў, Аляксандр Вальфовіч адзначыў, што ў рамках сустрэчы лідараў краін Дагавора калектыўнай бяспекі адбыліся і кантакты на ўзроўні міністраў абароны, саветаў МЗС, камітэтаў саветаў дзяржбяспекі. Больш за 20 дакументаў былі ўзгодненыя і вынесеныя на зацвярджэнне кіраўнікоў дзяржаў. Па шматлікіх пазіцыях дасягнута ўзаемаразуменне і дамоўленасці. Шэраг заяў вылучыў і беларускі бок.

Падчас сустрэчы быў падпісаны мемарандум аб супрацоўніцтве, дзе вызначаны шэраг практычных крокаў. Асаблівую ўвагу надалі развіццю ўзаемадзеяння паміж спецпадраздзяленнямі па лініі МУС, Камітэта дзяржбяспекі, МНС. Таксама бакі абмеркавалі пытанні інфармацыйнай і кібербяспекі, а таксама бяспекі эканамічнай. Адзначаецца, што кіраўніцтва В'етнама і Беларусі глядзіць аднолькава на сусветнае ваенна-палітычнае становішча.