Стратэгія Амерыкі ў дачыненні да Беларусі не ўдалася

Спробы дзяржаўнага перавароту як праява геапалітычных інтарэсаў сусветных дзяржаў. Вопыт Беларусі - апошні і, дарэчы, самы няўдалы з усіх каляровых рэвалюцый за апошні час, пачынаючы ад Сірыі і сканчаючы Кыргызстанам.

Амерыканскае выданне The National Interest прааналізавала сітуацыю ў Беларусі. У матэрыяле, прысвечаным пазіцыі Вашынгтона ў дачыненні да Мінска, не раз сустракаюцца сцвярджэнні аб жаданні ЗША і Заходняй Еўропы правесці каляровую рэвалюцыю ў нашай краіне. Што гаварыць - сама назва артыкула "Чаму стратэгія Амерыкі ў дачыненні да Беларусі дала зваротны эфект?" - прамое прызнанне наяўнасці такога плана. Далей - прызнанні амерыканскіх журналістаў у неэфектыўных наступствах масавых пратэстаў у Сінявокай.

"Праз нямногім больш як 100 дзён пасля апошніх прэзідэнцкіх выбараў Аляксандр Лукашэнка трымае ўладу - шматлікія раўнды добра арганізаваных масавых пратэстаў і сумесныя намаганні калектыўнага Захаду не прывялі да змены рэжыму ў Мінску. Якія ж урокі можа атрымаць новая адміністрацыя ў Вашынгтоне з няўдалай каляровай рэвалюцыі ў Беларусі?"

"Каляровая рэвалюцыя ў Беларусі сарвалася збольшага з-за таго, што Лукашэнка паспяхова мабілізаваў свае паліцэйскія сілы, каб прадухіліць зыход, падобны майдану, калі апарат дзяржбяспекі абваліўся пад цяжарам арганізаваных пратэстаў. Затым ён распачаў беспрэцэндэнтныя крокі па мабілізацыі сваёй уласнай базы падтрымкі і па стварэнні праўрадавай культуры масавага палітычнага ўдзелу, правядучы шматлікія мітынгі і нават арганізаваўшы жаночы форум".