Трагедыю беларускай вёскі Драмлёва, спаленай у 1942 годзе, расследуюць пракуроры

Жах, які хочацца забыць, але трэба памятаць: трагедыю ў Жабінкаўскім раёне расследуе пракуратура. 11 верасня 42-га - вёска Драмлёва паўтарыла сумны лёс Хатыні.

Карную аперацыю "Трохвугольнік" праводзілі тры роты трэцяга батальёна 15-га паліцэйскага палка. Па ўспамінах мясцовых жыхароў, у вёску прыехалі 90 вайскоўцаў у нямецкай форме. Фашысты падзялілі вяскоўцаў на некалькі груп. Нічога не тлумачачы і пагражаючы зброяй, людзей зачынілі ў хлявах, а затым падпалілі. У агні загінулі 183 чалавекі. Выратавацца атрымалася тым, каго ў гэты страшны момант не было ў вёсцы.

Знішчэнне жыхароў Драмлёва - адна са старонак у вялікай крымінальнай справе аб генацыдзе беларускага народа. Раней невядомыя факты сёння вывучае раённая пракуратура.

У канцы шасцідзесятых на месцы спаленай вёскі насыпалі курган, а пазней пабудавалі мемарыяльны комплекс. У памятныя дні неабыякавыя людзі прыносяць да яго кветкі і лампады.