Тры студатрады дапамагаюць будаўнікам у рэстаўрацыі заходняга бастыёна Нясвіжскага палацава-паркавага комплексу

Асабісты ўклад у захаванне культурнай спадчыны краіны. Такая магчымасць ёсць у моладзі, якая далучылася да студатрадаў Мінскай вобласці. Тры дружыны - а гэта 20 навучэнцаў - дапамагаюць будаўнікам у рэстаўрацыі заходняга бастыёна Нясвіжскага палацава-паркавага комплексу. Складанасць гэтага аб'екта ў размяшчэнні - абарончая сцяна абкружана пяціметровым ровам з вадой. Студатрады з прадстаўнікоў Нясвіжскага каледжа працуюць у тандэме са спецыялістамі Белрэстаўрацыі. З ініцыятыўнай моладдзю пазнаёмілася Аляксандра Гойтан.

Пакуль парадны ўваход у Нясвіжскі палац закрыты для наведвальнікаў, тут актыўна працуюць будаўнікі і спецтэхніка. У дапамогу ім падрыхтаваны атрад з ліку студэнтаў мясцовага каледжа імя Якуба Коласа. З красавіка ў палацава-паркавым комплексе ідзе рэканструкцыя абарончай сцяны заходняга бастыёна.

Анатоль Мышаў - хутка выпускнік Нясвіжскага каледжа. Будучы настаўнік фізкультуры адправіцца па размеркаванні ў Валожынскі раён. Але за час вучобы юнак здабыў багатае працоўнае партфоліа ў розных студатрадах. Ад лесагаспадарчага да будаўнічага. У складзе "Ударніка" - вопыт выключны: дае магчымасць для асабістага ўкладу ў захаванне культурнай спадчыны нашай краіны.

Тры дружыны - а гэта 20 навучэнцаў - дапамагаюць будаўнікам у рэстаўрацыі бастыёна. Складанасць гэтага аб'екта ў размяшчэнні - абарончая сцяна абкружана пяціметровым ровам з вадой.

Сур'ёзны аб'ект патрабуе такога ж падыходу. А таму графік занятасці, ахова працы і бяспека выконваюцца строга. Працуюць у тандэме з вопытнымі спецыялістамі з Белрэстаўрацыі. Першапачатковая задача - убраць 350 тон керамічных фрагментаў цэглы.

Маладых і ініцыятыўных чакаюць і ў летніх студатрадах. На выбар змены розных профіляў: экалагічныя, педагагічныя, медыцынскія і сэрвісныя. У цэнтральным рэгіёне гатовы часова працаўладкаваць тры тысячы чалавек.

Сёлета нацыянальнаму музею-запаведніку "Нясвіж" - 30! У афішы юбілейнага сезона - ад аўтаралі да сапраўднай містэрыі святла, інструментальнай музыкі і танцавальнага мастацтва. А таксама тэатральныя прэм'еры для дарослых і дзяцей.