Цырымонія закрыцця Дня беларускай пісьменнасці пройдзе пад саўндтрэкі да кананізацый прозы беларускіх пісьменнікаў: Шамякіна, Адамовіча, Мележа

Меней чым паўгадзіны да фінальных фанфар Дня беларускай пісьменнасці. Капыль рыхтуецца да напісання эпілогу 28-га фестывалю.

Цырымонія закрыцця пройдзе пад саўндтрэкі да кананізацый прозы беларускіх пісьменнікаў: Шамякіна, Адамовіча, Мележа. "Залатая класіка" кіно ў аранжыроўцы Прэзідэнцкага аркестра і беларускіх выканаўцаў. Прамая трансляцыя закрыцця на тэлеканале "Беларусь 3". Паралельна завяршаюць сваю работу "Горад майстроў" і Фестываль кнігі і паэзіі.

Маштабны святочны фестываль сабраў 5 тысяч гасцей і больш за сто беларускіх аўтараў. На паўтара кіламетрах цэнтральнай вуліцы горада - тэматычны пост-кросінг, віктарыны, чытанні вершаў, літаратурны батл, уручэнне нацыянальнай прэміі. Сёння ж тут адкрылі інтэрактыўную Алею пісьменнікаў, памятны знак майстру-гарбару (у правобразе Цішкі Гартнага). І для ўсіх аматараў беларускай аўдыёкніжкі першы ў краіне дадатак "Чытанка". Яна ўжо ў свабодным доступе для запампоўкі.

Наступны Дзень беларускай пісьменнасці пройдзе ў Добрушы - радзіме Івана Шамякіна. Ну а пакуль на пляцоўках шматлюдна - ніхто не расходзіцца. Вялікі матэрыял са святочнага фестывалю ў Капылі глядзіце ў "Галоўным эфіры" сёння ў 21:00.