У Беларусі працягваецца акцыя "Быць мамай крута!"

У Беларусі працягваецца акцыя "Быць мамай крута!". Ініцыятыва Беларускага саюза жанчын дапамагае маладым людзям прыняць узважаныя рашэнні аб стварэнні сям'і і нараджэнні дзяцей. Напярэдадні  сустрэча прайшла ў жаночай аўдыторыі Беларускага дзяржаўнага тэхналагічнага ўніверсітэта.

Медыкі і прадстаўнікі саюза, якія самі паспяховыя ў прафесіі і сям'і, падзяліліся асабістым вопытам і расказалі, што будаваць кар'еру разам з мацярынствам рэальна. Сёння дыягнастычныя, прафілактычныя і лячэбныя магчымасці аховы здароўя дазваляюць любой жанчыне нарадзіць дзіця. Пры гэтым медыкі адзначаюць - зараз сярэдні ўзрост жанчыны з першынцам набліжаецца да 28 гадоў. І з павелічэннем гэтага паказчыку ўзнікаюць рызыкі і ўскладненні як у  мамы, так і ў дзіцяці.

Такія сустрэчы з будучымі мамамі ўжо сталі традыцыяй. Акрамя таго, спікеры праекта абяцаюць зазірнуць і ў мужчынскія аўдыторыі, дзе на прыкладах шматдзетных бацькоў і вядомых людзей пакажуць, як "Крута быць татам!"