У Беларусі за суткі было зафіксавана 36 лясных пажараў

36 лясных пажараў адбылося ў Беларусі за мінулыя суткі. Аб гэтым паведамляе БЕЛТА са спасылкай на Міністэрства лясной гаспадаркі.

За мінулыя суткі сілы дзяржаўнай лясной аховы былі прыцягнуты на барацьбу з агнём. Як растлумачылі ў ведамстве, толькі ў лясным фондзе Мінлясгаса зафіксавана 36 лясных пажараў. Агульная плошча ачагоў папярэдне ацэньваецца ў 64,1 га, аднак па выніках дадаследаванняў гэтая лічба можа быць удакладнена.

"Лясныя пажары бушавалі ва ўсіх абласцях краіны, за выключэннем Віцебскай. Найбольш складанае становішча склалася ў Брэсцкай вобласці, дзе за ўчарашнія дзень і ноч дзяржлесахове прыйшлося выязджаць на лясныя пажары 20 разоў. У Гомельскай вобласці зафіксавана 8 лясных пажараў, у Гродзенскай і Магілёўскай - па 3, у Мінскай - 2 лясныя пажары", - распавялі ў Міністэрстве.

Паводле даных ведамства, у шматлікіх выпадках гарэла балоцістая мясцовасць. Пры пажарах сухой расліннасці з-за моцных парываў ветру агонь распаўсюджваўся вокамгненна. Сур'ёзную пагрозу лясному фонду наносяць сельгаспалы, спальванне грамадзянамі сухой расліннасці на прысядзібных участках.

Работнікі ведамства працягваюць сачыць за сітуацыяй.