У Брэсце стартавала "Эстафета Перамогі" ўздоўж знешніх меж краін - удзельніц СНД

80-годдзю Вялікай Перамогі прысвячаецца. 2 лютага ў Брэсце  стартавала "Эстафета Перамогі" ўздоўж знешніх меж краін - удзельніц СНД. Дата  выбрана невыпадкова. Менавіта 2 лютага ў 1943 годзе  завяршыўся разгром нацысцкай Германіі і іх саюзнікаў падчас Сталінградскай бітвы і пачата пераможнае наступленне Чырвонай арміі.

Аддаў загад на пачатак руху старшыня Дзяржпагранкамітэта. Акцыя заклікана захаваць гістарычную памяць аб подзвігу нашых продкаў, не дапусціць фальсіфікацыі, скажэння і перагляду яго вынікаў, а таксама ўмацаваць дружбу і даверныя ўзаемаадносіны паміж народамі краін Садружнасці.

 Адначасова з Брэстам  другая эстафетная група стартавала з Мурманска. Агульная працягласць акцыі -  больш як тры з паловай тысячы кіламетраў. Група наведае ўсе тэрытарыяльныя органы пагранічнай службы, у падраздзяленнях пройдуць мітынгі і ваенна-патрыятычныя мерапрыемствы, сустрэчы з моладдзю і ветэранамі, урокі мужнасці і канцэрты. 18 лютага на стыку меж Беларусі, Расіі і Латвіі адбудзецца перадача "Эстафеты Перамогі" прадстаўнікам Пагранслужбы ФСБ Расіі. Завершыцца акцыя 28 мая ля Магілы Невядомага Салдата ў Маскве.