У Мінскай вобласці ў 2026 годзе капітальна адрамантуюць 120 дамоў

120 дамоў у Мінскай вобласці атрымаюць новае аблічча. У цэнтральным рэгіёне прыступілі да рэалізацыі капітальнага рамонту на 2026 год - работы вядуцца ўжо больш чым на 30 аб'ектах.

Рашэнне аб капрамонце прымаецца, зыходзячы з тэхнічнага стану аб'екта. Таксама да праектавання праводзіцца сход жыхароў, каб улічыць усе пажаданні. Заменяць і ліфтавае абсталяванне - усталююць 24 новыя пад'ёмнікі.

У Смалявічах таксама вялікія планы па навядзенні парадку на зямлі, уключаючы і капітальны рамонт.

Міхаіл Верын, намдырэктара Смалявіцкай ЖКГ:

"Запланавана правядзенне капітальнага рамонту па Смалявіцкім раёне ў колькасці 5 шматкватэрных жылых дамоў. Работы ўключаюць замену даху, рамонт балконаў і сістэм ацяплення з заменай радыятараў, добраўпарадкаванне прылеглай тэрыторыі. Зараз, нягледзячы на ўмовы надвор’я, работы ідуць на двух аб'ектах: у Смалявічах і пасёлку Зялёны Бор. Людзі ставяцца з разуменнем".

Спіс дамоў, у якіх запланаваны капрамонт у 2026 годзе, размешчаны на афіцыйных сайтах райвыканкамаў і на партале Мінскай абласной жыллёва-камунальнай гаспадаркі.