У Мінску прайшла цырымонія ўзнагароджання фіналістак конкурсу "Жанчына года"

У Мінску ўшаноўваюць пераможніц рэспубліканскага конкурсу "Жанчына года". Сёння, 11 сакавіка, 70 выдатных беларусак з розных куткоў краіны былі ў цэнтры ўвагі. Сярод іх педагогі, прадпрымальнікі, кіраўнікі прадпрыемстваў.

У Мінску ўзнагародзілі ўдзельніц і пераможніц рэспубліканскага конкурсу "Жанчына года". Каб дайсці да фінальнага, рэспубліканскага этапу і ўручэння доўгачаканых узнагарод, кожнай з удзельніц неабходна было прайсці некалькі этапаў: гарадскі і рэгіянальны.

Пераможніц сёння ўшаноўваюць у сямі намінацыях. Удзельніцы чарговы раз даказваюць: быць мамай і пры гэтым прафесіяналам сваёй справы больш чым рэальна. Тым больш у нашай краіне гэта падтрымліваецца на самым высокім узроўні.

Беларускія жанчыны не толькі займаюцца выхаваннем дзяцей, сямейнымі справамі, але і паспяхова робяць кар'еру на вытворчасці, у бізнесе, адукацыі, спорце - у любой сферы.