У навагоднія святы Беларусь наведалі каля 2,5 тыс. іншаземцаў

За навагоднія выхадныя Беларусь наведалі каля двух з паловай тысяч іншаземцаў. Дзякуючы бязвізу ў нашай краіне пабывалі госці з 38 краін. Як адзначылі ў Дзяржпагранкамітэце,  большасць падарожнікаў  прыехала з краін-суседзяў - Літвы, Латвіі і Польшчы.  Усяго з моманту пачатку працы бязвізавага рэжыму для шэрагу краін Беларусь наведалі больш за мільён еўрапейцаў. Нагадаем, Прэзідэнт прыняў рашэнне аб прадаўжэнні бязвізу для грамадзян 38  еўрапейскіх краін  да канца гэтага года.