У медыкаў будзе сучаснае абсталяванне, у тым ліку і апарат МРТ - рэканструкцыя Віцебскай абласной інфекцыйнай бальніцы

У Віцебску рэканструююць абласную інфекцыйную бальніцу. Гэта адна з найстарэйшых устаноў аховы здароўя паўночнага рэгіёна. Будаўнікі ўзводзяць корпус-устаўку, які злучыць будынкі, якія ўжо ёсць. Тут размесцяцца дыягнастычныя аддзяленні, дзе пацыенты змогуць прайсці поўнае абследаванне. У распараджэнні медыкаў будзе сучаснае абсталяванне, у тым ліку і апарат МРТ. Значнае ператварэнне чакае і лячэбны корпус, дзе адкрыюцца новыя аддзяленні.

Абнаўленне інфекцыйнай бальніцы не адзіны буйны праект у сістэме аховы здароўя рэгіёна. Працягваецца будаўніцтва аперацыйна-рэанімацыйнага корпуса абласной клінічнай бальніцы. Зусім хутка адбудзецца адкрыццё паліклінікі ў Оршы.Сёлета будаўніцтва новай паліклінікі пачнуць і ў Полацку - медустанова з'явіцца ў новым густанаселеным мікрараёне.