Настаўнікі Мінска і вобласці прымаюць віншаванні

У гарадскім Палацы культуры сабраліся 600 лепшых настаўнікаў сталіцы, іх павіншаваў мэр Андрэй Шорац. У гэтыя хвіліны ўзнагароджваюць і лепшых педагогаў Мінскай вобласці.

На святочнай цырымоніі прысутнічаюць і нашы карэспандэнты. Зараз на сувязі з Палаца культуры - Надзея Сербіненка.

Настрой цудоўны! Прыўзняты і радасны! Сёння тут, у новым гарадскім Палацы культуры на вуліцы Маякоўскага, - галоўныя героі ўрачыстасці - больш за паўтысячы самых лепшых, самых адданых - настаўнікаў сталічнай сістэмы адукацыі. Кожны на сваім прафесійным шляху - не пачатковец.

Штодзень яны перадаюць сваім вучням самае каштоўнае - веды і настаўніцкую мудрасць. Святочная праграма падзелена на некалькі блокаў. Спачатку падзякі, граматы ад Мінгарвыканкама ўручае настаўнікам мэр сталіцы Андрэй Шорац. Пасля лепшых настаўнікаў - нагруднымі знакамі адзначае Міністэрства адукацыі. Свае падзякі ўручае таксама Федэрацыя прафсаюзаў Беларусі. Сёння ў настаўнікаў - сапраўднае свята.

І ўсё ж для кожнага прадстаўніка прафесіі, звязанай з навучаннем, гэта свята адно з самых значных і ўрачыстых. Дарэчы, словы падзякі сёння гучаць па ўсёй краіне. Віншуюць сёння не толькі педагогаў сталіцы, але і цэнтральнага рэгіёна. Якраз зараз з імі знаходзіцца мая калега. Наталля Кузьміцкая. 

Месцам урачыстасцяў стаў тэатр Янкі Купалы і, ведаеце, гэта ўжо прыемны падарунак, бо не заўсёды настаўнікі такім чынам могуць правесці вольны час.

Сёння сюды прыехалі педагогі з усёй вобласці – лепшыя ў прафесіі. Кожны атрымаў заслужаную ўзнагароду за адданасць сваёй справе.

Для многіх гэта ўжо дваццаты і нават трыццаты Дзень настаўніка. Сакрэтамі педагагічнага майстэрства з намі падзяліўся выкладчык геаграфіі СШ Чэрвеня.

Падчас такіх сустрэч настаўнікі абменьваюцца вопытам, дзеляцца новымі методыкамі выкладання, каб урокі былі займальнымі. Дарэчы, на працягу гэтага тыдня настаўнікаў вобласці аб'яднаў педагагічны марафон.

А напрыканцы святочнага вечара падарунак, які прыйдзецца даспадобы не толькі настаўнікам рускай літаратуры, але і матэматыкі, хіміі, фізікі - камедыя Гогаля "Рэвізор" ад акцёраў-купалаўцаў.

Настаўнікі яшчэ мінімум тры дні будуць прымаць віншаванні. Само свята прыпадае на нядзелю.