У Беларусі скасаваны абавязковы масачны рэжым

Абавязковы масачны рэжым адмянілі ў Беларусі. Аб гэтым паведаміла Міністэрства аховы здароўя ў сваім тэлеграм-канале. У пастанове актуалізавалі санітарна-супрацьэпідэмічныя мерапрыемствы ў перыяд COVID-19. Гаворка ідзе аб кантролі з боку кіраўнікоў аб'ектаў і арганізацый за тым, як выкарыстоўваюцца сродкі абароны працаўнікамі і фізасобамі, у тым ліку выконванне сацыяльнай дыстанцыі ў паўтара метра. Што датычыцца бальніц, то павінен быць распрацаваны план, які будзе забяспечваць выкананне ўсіх умоў інфекцыйнага стацыянара.

Сітуацыя з COVID-19 у Пінску

Эпідсітуацыю ў Пінску сёння вывучыў віцэ-прэм'ер. Ігар Петрышэнка разам з намеснікам міністра аховы здароўя Аленай Богдан наведалі чырвоную зону мясцовай цэнтральнай гарадской бальніцы. Абмеркавалі з урачамі-практыкамі пытанні дастаўкі і спажывання кіслароду, а таксама наяўнасць лекаў для лячэння цяжкіх наступстваў COVID. Медыкі спыталі віцэ-прэм'ера аб правядзенні рамонту ў бальніцы. Ігар Петрышэнка паабяцаў знайсці магчымасць вырашыць гэтае пытанне з падтрымкай вобласці, Міністэрства аховы здароўя і спонсараў.