У Беларусі працягваецца падрыхтоўка да Дня Незалежнасці | 30.05.2019

Сёлета мы адзначаем 75-годдзе вызвалення ад нямецка-фашысцкіх захопнікаў. Сёння журналістаў упершыню запусцілі на трэніроўкі механізаванай калоны. Грукат матораў і каманды чуваць на аэрадроме Ліпкі пад Мінскам, менавіта гэтая пляцоўка дазваляе з размахам разгарнуцца ўсёй калоне. Там працуе наша здымачная група. Аляксандр Камовіч працуе на месцы падзей, і ад яго даведаемся сакрэты, якія да гэтага моманту хавалі вайскоўцы.

Большую частку калоны складаюць новыя і мадэрнізаваныя ўзоры тэхнікі, не без гонару паведамілі нам сёння ў камандаванні Міністэрства абароны. А гэта значыць, што трэніроўкі к параду патрабуюць асаблівай увагі, бо ўсе гэтыя навінкі ўпершыню будуць удзельнічаць ва ўрачыстым праходжанні. У вайскоўцаў у запасе досыць часу - трэніроўкі будуць праходзіць яшчэ пяць тыдняў.

Усяго ў калоне пройдуць 22 парадныя разлікі, 280 адзінак тэхнікі і 900 чалавек асабовага складу, гэта значыць на тры парадныя разлікі і 40 узораў тэхнікі больш, чым летась. Узначальваць калону традыцыйна будзе легендарны танк Т-34 Чырвовы як сімвал вызвалення Мінска ад нямецка-фашысцкіх захопнікаў. Пра самыя яркія распрацоўкі айчыннага ВПК мы распавядзем падрабязней у наступных выпусках.