У Бараўлянах для супрацоўнікаў шпіталя інвалідаў вайны правялі дабрачынны канцэрт

Беларусь сёння адзначае Дзень медыцынскага работніка. З прафесійным святам прадстаўнікоў аховы здароўя павіншаваў Прэзідэнт Аляксандр Лукашэнка.

Медыкі прымаюць віншаванні па ўсёй краіне. Так, у Бараўлянах для супрацоўнікаў шпіталя інвалідаў Вялікай Айчыннай вайны правялі дабрачынны канцэрт. З улікам эпідсітуацыі павіншаваць медработнікаў вырашылі на свежым паветры. Сцэна была ўсталявана перад галоўным корпусам, а імправізаваныя месцы для гледачоў размясціліся ў вокнах. Адным з арганізатараў мерапрыемства стаў дабрачынны фонд. У няпросты перыяд барацьбы з каранавірусам гэтую медыцынскую ўстанову перапрафілявалі пад працу з кантактамі і тымі, хто заразіўся вірусам.

За ўвесь перыяд распаўсюджвання інфекцыі ў краіне памерлі 346 пацыентаў з шэрагам хранічных захворванняў з выяўленым каранавірусам. Інфікаваных 58 з паловай тысяч. Усяго праведзена 861 703 тэсты.

Тандэму дабрачыннага фонду і медыцынскай установы не адзін год. У 2019-м на базе шпіталя быў адкрыты Рэспубліканскі цэнтр дапамогі пацыентам, пацярпелым у ДТЗ. І за гэты час лячэнне прайшлі сотні чалавек.