У Дзяржынскай цэнтральнай раённай бібліятэцы адкрылася выстава маладых мастакоў

Загадкі беларускага лесу, прыгажосць крыніц і азёр, квітнеючыя лугі і сады... Сюжэты, падгледжаныя ў прыроды ў розныя поры года - у аснове работ дзвюх маладых мастачак, Ірыны Губарэвіч з Барысава і Марыі Мініч з Дзяржынска. У Дзяржынскай цэнтральнай раённай бібліятэцы адкрылася іх выстава. Аўтары выстаўляюцца не ўпершыню. У экспазіцыю "Краявіды роднай зямлі" ўвайшлі некалькі дзясяткаў тэматычных работ, напісаных за апошні час.

Выставу маладых аўтараў прымае галерэя "Тэрыторыя творчасці". Гэтай бібліятэчнай прасторы 10 гадоў. Галерэя прадастаўляе пляцоўку для пачаткоўцаў творцаў і мастакоў-аматараў.