У Хойніцкім раёне ў Дзень Вялікай Перамогі каля брацкай магілы адбыўся ўрачысты мітынг

З удзелам вайскоўцаў беларускай арміі Дзень Вялікай Перамогі прайшоў у Хойніцкім раёне. У райцэнтры каля брацкай магілы, дзе пахаваны больш за паўтысячы чалавек, адбыўся ўрачысты мітынг. Тут сабраліся прадстаўнікі органаў улады, моладзь і простыя беларусы. Хоць і мінула ўжо нямала гадоў, але памяць не падуладная часу. У гады Вялікай Айчыннай вайны ў баях з нямецка-фашысцкімі захопнікамі на франтах, у партызанскіх атрадах і ў падполлі змагаліся больш чым 6 тысяч ураджэнцаў Хойніцкага раёна. Яны абаранялі Маскву і Ленінград, удзельнічалі ў Сталінградскай і Курскай бітвах, бралі Берлін, вызвалялі родную Беларусь.