У Мінску міліцыя ўзмоцніць ахову грамадскага парадку ў выхадныя ў сувязі з каталіцкім Вялікаднем

Мінская міліцыя ўзмацняе ахову грамадскага парадку ў гэтыя выхадныя ў сувязі са святкаваннем каталіцкага Вялікадня. Праваахоўнікі просяць выконваць правілы паводзін у месцах правядзення святочных мерапрыемстваў і каля іх.

Забараняецца з сабою прыносіць выбухованебяспечныя і лёгкаўзгаральныя рэчывы, піратэхнічныя вырабы, колюча-рэжучыя і іншыя прадметы, якія могуць прычыніць шкоду. Пад кантролем ДАІ будуць дарогі каля месцаў велікодных набажэнстваў. Асаблівая ўвага будзе накіравана на выяўленне беспраўнікаў і п'яных удзельнікаў дарожнага руху.

У ведамстве таксама просяць праяўляць пільнасць. У выпадку выяўлення падазроных прадметаў і выбуховых рэчываў, а таксама пры наяўнасці інфармацыі аб пагрозе грамадскаму парадку і бяспекі, аб гэтым варта адразу паведаміць у міліцыю або па нумары 102.