У Мінску адкрыты сезон электрадэвайсаў: ад веласіпедаў да монакола

Сезон зялёнага транспарту ў Мінску. Зручныя маршруты па вуліцах сталіцы пракладваюць аматары веласіпедаў, скутараў і электрасамакатаў. Ёсць і тыя, хто аддае перавагу нестандартным гаджэтам.

Такім, як монаколы. Каб перамяшчацца на гэтым дэвайсе па гарадскіх пешаходных дарожках, парках і скверах, трэба нават атрымаць электрапасведчанне. Мабільны Мінск - у рэпартажы Ільі Цвяткова.

Навучыцца катацца на монаколе - усё што трэба для таго, каб вылучыцца з гарадскога натоўпу падчас прагулкі. Гэты від транспарту - адзін з электратрэндаў сезона. Выкарыстоўваць яго можна не толькі для забавы, але і ва ўжытковых мэтах. Напрыклад, хутка з'ездзіць у магазін або нават выгуляць сабаку.

Перад купляй або арэндай дэвайса пажадана атрымаць электраправы. Паводле слоў інструктара Ігара Сушчанкі, навучанне яздзе на мабільным гаджаце патрабуе грунтоўнага падыходу. Спачатку - тэорыя. А далей некалькі ўрокаў кіравання на закрытай пляцоўцы пад наглядам прафесіянала і выезд у горад.

Монаколы - універсальныя. Падыходзяць для перамяшчэння як у мароз, так і ў цёплае сухое надвор'е. Пры гэтым навучыцца пілатаванню дэвайса з лёгкасцю можа нават падлетак. Галоўнае - адчуць тэхніку і трымаць раўнавагу.

І калі гаджаты з адным колам - пакуль толькі набіраюць папулярнасць, то двухколавыя "электрабайкі" ўжо сталі класікай для гарадскога трафіка. Усіх колераў, памераў і формаў - з надыходам цяпла электрасамакаты паступова запаўняюць веладарожкі Мінска.

Электрадэвайс можна ўзяць у арэнду для прагулкі на свежым паветры па маляўнічых месцах сталіцы і для таго, каб тэрмінова даехаць, напрыклад, да бліжэйшай станцыі метро. Зручна, практычна і з ветрыкам!

І ўсё ж, чым больш двухколавых на тратуарах, тым вышэйшая небяспека сутыкненняў з пешаходамі і аўто на пешаходных пераходах. Таму за сталічнымі райдарамі ўважліва сочыць Дзяржаўтаінспекцыя. Дарожныя міліцыянеры раяць асцярожна выконваць манеўры, не перашкаджаць пешаходам. А яшчэ перад выездам - асабліва ў цёмны час сутак - лепш праверыць спраўнасць элементаў падсвечвання.