У Мінску прынятыя ўсе неабходныя меры па стабілізацыі сітуацыі з забеспячэннем жыхароў якаснай пітной вадой

Мінскводаканал увесь вечар і ўсю ноч вёў работы на сетках водазабеспячэння. Яшчэ напярэдадні на 11 вечара работы па прамыванні вадаправодаў былі завершаны ў 99 працэнтах праблемных дамоў. У пацярпелыя раёны быў арганізаваны падвоз пітной вады ў аўтацыстэрнах. Для высвятлення прычын здарэння створана спецыяльная камісія, яе ўзначаліў віцэ-прэм'ер Уладзімір Кухараў. Нагадаем, у сераду ў двух раёнах Мінска - Фрунзенскім і Маскоўскім - у дамах узніклі праблемы з якасцю вады. Людзі адчулі непрыемны пах. Затым з'явілася інфармацыя, што вада непрыдатная для піцця. У найбліжэйшы час чакаюцца вынікі аналізу вады, праведзенага гарадскім цэнтрам гігіены і эпідэміялогіі напярэдадні вечарам.