3.72 BYN
2.86 BYN
3.40 BYN
У Мінску студатрады адкрываюць трэці працоўны семестр, моладзі прапаноўваецца каля 15 тыс. вакансій
У Мінску 11 чэрвеня ўрачыста адкрываецца трэці працоўны семестр студатрадаў. Старт запланаваны вечарам на пляцоўцы каля цэнтральнай аркі стадыёна "Дынама". Байцы студатрадаў ужо ўсклалі кветкі да стэлы "Мінск - горад-герой". У мерапрыемстве ўзялі ўдзел больш за 1 тыс. маладых людзей, ветэраны руху і кіраўніцтва Мінска.
Студатрадаўскі рух у Беларусі з кожным годам расце. Зараз моладзі прапаноўваецца каля 15 тыс. вакансій. У планах за ўвесь перыяд працаўладкаваць больш як 18 тыс. юнакоў і дзяўчат па розных напрамках.
Вялікай папулярнасцю ў моладзі сёлета карыстаецца сэрвісны напрамак. Гэта работа ў рэстаранах, гасцініцах, дзіцячых лагерах, у тым ліку ў якасці абслуговага персаналу. Другім па значнасці для нашай моладзі з'яўляецца педагагічны профіль - работа важатымі. Далей ідуць будаўнічыя атрады. У нас у горадзе вялікая колькасць знакавых аб'ектаў, якія ўзводзяцца з удзелам нашых студэнцкіх атрадаў горада Мінска.
Урачыстаму адкрыццю трэцяга працоўнага семестра будзе папярэднічаць шэсце. Кульмінацыяй стане атрыманне працоўных пуцёвак студатрадамі. Па традыцыі сам старт дадуць націсканнем спецыяльнай кнопкі. Фінальным акордам цырымоніі адкрыцця стане агульнае выкананне гімна студэнцкіх атрадаў. І яркае завяршэнне - канцэрт пад адкрытым небам "Лета. Сонца. Студатрад" з удзелам артыстаў беларускай эстрады, музычных гуртоў і кавер-бэндаў.