У Мінску запланавана маштабная рэканструкцыя лыжаролернай трасы

Пакрыццё заменяць цалкам на ўсіх пяці кіламетрах. Часткова абновяць асфальт і на галоўнай веладарожцы ў сталіцы - яе працягласць на сёння 27 кіламетраў. Рамонт пройдзе на 70 працэнтах веламагістралі. Паступова ў горадзе будуць змяншаць колькасць высокіх бардзюраў для двухколавых і павялічваць колькасць веламесцаў на аўтастаянках. Да рамонтных работ на веладарожцы спецыялісты прыступяць у найбліжэйшы час. Не выключана, што па адноўленых трасах веласіпедысты змогуць пракаціцца акурат напярэдадні ІІ Еўрапейскіх гульняў.