У НАН Беларусі праходзіць навукова-практычная канферэнцыя "30 гадоў Садружнасці Незалежных Дзяржаў"

Пытанні экалогіі, барацьбы з COVID-19 і гібрыдныя атакі. Пра актуальнае, вынікі дзейнасці і будучыню развіцця краін СНД гавораць у гэтыя хвіліны на навукова-практычнай канферэнцыі, якая праходзіць у НАН Беларусі. Прывітанне ўдзельнікам накіраваў Прэзідэнт. Больш за 300 вядучых навукоўцаў і спецыялістаў, дэлегацыі ад Азербайджана, Арменіі, Казахстана, Малдовы, Расіі і іншых краін Садружнасці сабраліся, каб абмеркаваць пытанні, якія датычацца супрацоўніцтва ў розных галінах: ад эканомікі да гуманітарнай сферы. Адна з тэм - эпідабстаноўка ў краінах СНД. Асаблівая ўвага - бяспецы і паветрана-транспартным зносінам. Выканаўчы сакратар СНД Сяргей Лебедзеў упэўнены: з часам гэта пытанне будзе вырашана.

Сёння на палях канферэнцыі таксама пройдзе пасяджэнне Савета Міжнароднай асацыяцыі акадэмій навук і пасяджэнне Савета маладых навукоўцаў гэтай арганізацыі.