У Нацыянальным гістарычным музеі за круглым сталом абмяркуюць пытанні Дня народнага адзінства ўсе музеі Беларусі

Напярэдадні Дня народнага адзінства Нацыянальны гістарычны музей падрыхтаваў тэматычную выставу. У экспазіцыі не толькі побыт беларускіх сялян, падручнікі і фатаграфіі. Прадстаўлены адзіны легальны друкаваны орган Беларускай сялянска-рабочай грамады "Маланка", а таксама ўнікальныя дакументы з Нацыянальнага архіва.

Сёння ж у музеі пройдзе круглы стол. Хто ўдзельнікі, што будуць абмяркоўваць і як да гутаркі змогуць даключыцца рэгіёны? Усе адказы ў Анастасіі Бенедзісюк.

На сувязі абсалютна ўсе абласныя музеі Беларусі! Вось так за суткі да афіцыйнага адкрыцця выставы ў Нацыянальным гістарычным музеі праходзіла праверка сігналу. Белтэлерадыёкампанія і Мінсувязі і інфарматызацыі сталі арганізатарамі тэлемоста. Прасцей гаворачы, калі (ужо сёння) у Мінску стартуюць афіцыйныя мерапрыемствы, рэгіёны будуць не толькі сведкамі, але і непасрэднымі ўдзельнікамі. У кожным з іх таксама арганізаваная тэматычная выстава.

Музеі распавядуць пра тое, што яны паспелі сабраць. І чым для іх рэгіёна абвінулася амаль 20-гадовая барацьба за ўз'яднанне. Вось як сімвал падзеленага беларускага народа ў 20-30-ыя гады - насупраць адзін аднаго два камплекты школьных сшыткаў. На беларускай і польскай. Гэта асобны боль нашага народа. Да 1939 года ў Заходняй Беларусі не было ніводнай беларускай школы. Тут жа друкаваныя станкі, на якіх выдаваліся газеты, у тым ліку і нелегальныя.

17 верасня 1939 года - Дзень уз'яднання Заходняй і Усходняй Беларусі. На гэтым маляўнічым палатне нашых землякоў захаваны гістарычны момант. Гістарычная справядлівасць. Пасяджэнне Народнага сходу ў Беластоку. Менавіта там заканадаўча замацавалі ўваходжанне Заходняй Беларусі ў БССР.

Цырымонія адкрыцця, абяцаюць арганізатары, будзе маштабнай. Мерапрыемства пройдзе з удзелам спікера верхняй палаты парламента Наталлі Качанавай, упаўнаважаных па справах рэлігій і нацыянальнасцяў, дыпламатаў, палітолагаў, кіраўнікоў цэнтральных сродкаў масавай інфармацыі. Усе яны адразу пасля абмяркуюць пытанні Дня народнага адзінства як сімвала кансалідацыі беларускага народа. Круглы стол таксама пройдзе ў гістарычным музеі. І з падключэннем рэгіёнаў.