У педагагічным універсітэце далі старт 56-му "Зорнаму паходу" з прыстаўкай "інтэрнацыянальны"

Аб подзвігах герояў Вялікай Айчыннай без складаных тэрмінаў і лекцый, а на мове пакалення Z і інтэрактыўна раскажуць школьнікам тры сотні будучых педагогаў. Студэнты галоўнай педагагічнай ВНУ краіны адправяцца сёння ў "Зорны паход". Традыцыя - ужо брэнд БДПУ з 1966 года. Паспяховыя студэнты ўніверсітэта аб'ядналіся ў восем атрадаў і сёння ж раз'едуцца па раёнах Мінскай і Гродзенскай абласцей. У трохдзённай праграме не толькі ўскладанне кветак да брацкіх магіл і хвіліны памяці. Удзельнікі вязуць урокі і майстар-класы для школьнікаў рэгіянальных устаноў.
56-ты раз "Зорны паход" з прыстаўкай "інтэрнацыянальны". Сярод беларускіх студэнтаў навучэнцы БДПУ з Кітая, Расіі і Туркменістана.