У гадавальніках Мінскай вобласці збіраюць калючы ўраджай

Іглічны водар і навагодні настрой. Галоўны атрыбут надыходзячых свят ужо карыстаецца попытам. У гадавальніку пад Барысавам па ёлкі прыязджаюць першыя пакупнікі, каб забраць свежае дрэва прама з заснежаных плантацый або набыць хвою ў кадках. За такімі іглічнымі ў гадавальніку - асаблівы догляд. Перад надыходам халадоў расліны добра "падкармілі" і надалі форму кронам.

У цяпліцах гадавальніка ўжо рыхтуюць ураджай на будучыя гады. Спосабам закрытай каранёвай сістэмы вырошчваюць тысячы маладых іглічных саджанцаў. Потым дрэўцы адпраўляюць на дарошчванне ў школьныя аддзяленні.