У сталіцы сёлета абнавілі звыш мільёна квадратных кіламетраў дарог

Прычым у асноўным гэта поўная замена пакрыцця, а не кропкавы ямачны рамонт. У той жа час заўважныя вынікі і такіх маштабных праектаў, як будаўніцтва новага ўчастка першага транспартнага кальца, а таксама мадэрнізацыя пуцеправода на праспекце Пераможцаў.

Аляксей Кандраценка пра новыя дарогі для мегаполіса напярэдадні Дня аўтамабіліста і дарожніка.

Сотні аўто за хвілінуў двух напрамках, а ў час пік яшчэ больш! Пуцеправод на скрыжаванні сталічнай вуліцы Арлоўскай і праспекта Пераможцаў адзін з самых загружаных вузлоў сталіцы. Аб'екту ўжо больш за 40 гадоў, за гэты час быў адзін капітальны рамонт. Але нават ён не дазволіў адпавядаць сучасным патрабаванням. Аб'ект здабыў «другую маладосць» за рэкордныя тэрміны - замест чатырнаццаці нарматыўных месяцаў мост зрабілі за чатыры. Дарэчы, і палос у кожным напрамку таксама чатыры замест былых трох.

Сотні будаўнікоў працавалі кругласутачна. Вынік іх работы - абноўлены пуцеправод - з энтузіязмам і радасцю сустракалі сталічныя аўтамабілісты. Многія чакалі гэтага моманту.

І нягледзячы на тое што транспарт на развязцы можа рухацца ў поўным аб'ёме, некаторыя нюансы, на якія варта звярнуць увагу, пакуль застаюцца, інфармуе Дзяржаўтаінспекцыя.

Як абяцаюць будаўнікі, поўнасцю з добраўпарадкаваннем тэрыторыі і азеляненнем развязка будзе гатова праз два тыдні.