Вальфовіч: У Беларусі ўжо падрыхтаваны месцы для размяшчэння "Арэшніка"

Шчыт Саюзнай дзяржавы стаў больш моцным. Беларусь і Расія ратыфікавалі Дамову аб гарантыях бяспекі ў рамках Саюзнай дзяржавы. Прэзідэнт Беларусі Аляксандр Лукашэнка і Прэзідэнт Расіі Уладзімір Пуцін абмяняліся ратыфікацыйнымі граматамі.

Падзея важная і своечасовая, асабліва на фоне ваяўнічых заяў лідараў асобных краін Еўропы. 18 сакавіка ў эксклюзіўным інтэрв'ю "Першаму інфармацыйнаму" дзяржсакратар Савета бяспекі пракаменціраваў завяршэнне працэдуры ўступлення ў сілу дамовы. У прыватнасці, Аляксандр Вальфовіч адзначыў, што з прыняццем дакумента адкрываецца новы этап узаемаадносін паміж Беларуссю і Расіяй і асаблівага даверу. Гэта ў першую чаргу датычыцца размяшчэння на тэрыторыі нашай краіны расійскай тактычнай ядзернай зброі. Як вядома, у дамове гэтаму нададзена ўвага.

Да канца года даручэнне двух прэзідэнтаў аб размяшчэнні комплексу "Арэшнік" будзе выканана

Што датычыцца кантролю за дакументам, то, паводле слоў Аляксандра Вальфовіча, у найбліжэйшы час з'явіцца інстытут спецпрадстаўнікоў, гэта будзе патэнцыял міністэрстваў замежных спраў Беларусі і Расіі. Яго ўдзельнікі і будуць адсочваць рэалізацыю палажэнняў дамовы.

Як Беларусь і Расія будуюць цалкам новую сістэму бяспекі з улікам актуальных пагроз - глядзіце вялікае інтэрв'ю дзяржсакратара Савета бяспекі ў эфіры "Першага інфармацыйнага".