"Аднаўленне святынь Беларусі" - дабрачынную акцыю па добраўпарадкаванні Мінска правялі актывісты БРСМ

Зрабіць Мінск больш чыстым і прывабным. Дабрачынную акцыю па добраўпарадкаванні сталіцы чарговы раз правялі актывісты БРСМ. Юнакі і дзяўчаты дапамагалі прыбіраць класы СШ № 224 Ленінскага раёна Мінска. А сёння дэлегацыя прыбыла да праваслаўнага храма Нараджэння Іаана Прадцечы. Царква новаўзведзеная. 50 маладых людзей адгукнуліся на прапанову прыбраць прыхрамавую тэрыторыю, ачысціць яе ад будаўнічага смецця і апалага лісця.

Работы на прыхрамавай тэрыторыі прайшлі ў рамках міжканфесійнай акцыі "Аднаўленне святынь Беларусі". Ініцыятыва не першы год знаёміць моладзь з духоўнай спадчынай нашай краіны і далучае юнакоў і дзяўчат да стваральнай працы.