Сусветная арганізацыя аховы здароўя: COVID-сітуацыя ў свеце пагрозлівая

За апошні месяц у свеце зафіксавана больш выпадкаў COVID-19, чым за паўгода з пачатку пандэміі. Гэта заявіў кіраўнік Сусветнай арганізацыі аховы здароўя. Паводле яго слоў, па ўсёй Еўропе і ў Паўночнай Амерыцы бальніцы або перапоўненыя, або ўжо на мяжы.

З пачатку пандэміі захварэлі амаль 58 мільёнаў чалавек. Рэкордную колькасць смяротных зыходаў за суткі паказала Францыя - 1138 смерцяў. А ў Расіі за суткі захварэлі звыш 24 800 чалавек. Станоўчы момант толькі ў тым, што большасць хварэе бессімптомна або ў лёгкай форме.