СААЗ паставіла ў Беларусь абсталяванне для барацьбы з COVID-19

У дапамогу медыкам Сусветная арганізацыя аховы здароўя паставіла ў Беларусь абсталяванне для больш эфектыўнай барацьбы з COVID-19. У Рэспубліканскі цэнтр гігіены, эпідэміялогіі і грамадскага здароўя паступіла партыя тэст-сістэм для каранавіруснай дыягностыкі метадам ПЛР, аднаразовыя камплекты для адбору проб і іншае. Акрамя таго, у нашу краіну прыбыло 115 пульсаксіметраў, а ў найбліжэйшы час будуць дастаўленыя 11 манітораў назірання за жыццядзейнымі функцыямі пацыентаў. Неабходнае абсталяванне размяркуюць па медыцынскіх установах краіны.