XIV з'езд Беларускага саюза журналістаў прайшоў у Мінску

У Мінску сёння прайшоў з'езд Саюза журналістаў. Прэзідэнт Аляксандр Лукашэнка накіраваў прывітанне яго дэлегатам і ўдзельнікам, а таксама заклікаў знайсці адэкватны адказ агрэсіўнаму дэструктыўнаму ўздзеянню новых медыя на свядомасць беларусаў.

Сёння беларускія журналісты тэхнічна і этычна гатовы супрацьстаяць лавіне фэйкаў. На з'ездзе таксама разгледзелі пытанні этыкі лічбавізацыі СМІ. Акрамя таго грамадская структура павінна зрабіць упор на дапамогу рэгіянальным медыя, надаваць больш увагі маладым журналістам і блогерам.

Зараз у радах Беларускага саюза журналістаў 1977 чалавек. Толькі за апошнія пяць гадоў да грамадскага аб'яднання далучыліся амаль 500 журналістаў. Яшчэ 15 новых членскіх білетаў уручылі сёння.